亞視經常易主,王征自2010年入股以來,公司一直未賺過錢,最近其他股東都撐不住,不再「放水」決另覓新投資者。亞視高層前晚向員工發聲明致歉,承認部份股東正就股權出讓事直進行洽談,無綫前主播李燦榮上月底突然在facebook爆亞視已賣盤,並透露洽購人姓名中有木,姓楊、姓林和姓李都予人聯想,包括李嘉誠、李兆基等。有指英皇集團主席楊受成等組成的財團數月前曾經磋商,潛在買家當中似乎以他的支持最充足,而英皇高層霍汶希昨亦沒一口否認,只說﹕「不回應。」而除了楊受成,昨日再傳出嘉華主席呂志和亦對亞視甚有興趣。
如今亞視內部立立亂,但員工最關心的不是誰是新老闆,而是自己幾時有糧出。前亞姐張家瑩昨日在電話中說:「我見老闆(王征)都好滋油淡定,我喺亞視咁多年,最近都試過兩、三次遲出糧;通告話會盡快解決,我會等,暫冇必要搞到咁僵。但亞視邊個加入都好,只要佢繼續營運,我都會繼續支持,我只係求一個平台,一個好領導者,最緊要都係有糧出先。」而筱靖直認已習慣公司經常有傳聞,她說:「我喺亞視7年,股權出讓、欠薪唔係咩新鮮事。我都係打工仔心態,高層變動,就算今日姓黃、聽日姓李都冇咩所謂。但出糧係天公地義,個個都要養家。」劉錫賢則說:「有朋友打嚟,話靠份糧為生。我都問過高層,佢哋都唔知發生咩事,追討?我睇情形點先啦!o依家我都唔知亞視搞成點!」
據悉不少幕後人都是家庭經濟支柱,已急到致電勞工處熱線求助。但行頭窄,有人擔心一走了之更難追討欠薪,故大多靜觀其變,亞視製作暫時運作正常。蔡國威昨日返亞視大埔總台出席亞姐活動,他直言擔心冇糧出,他說:「據我所知公司已尋求緊解決方法。」秦啟維則說:「有家庭負擔嘅同事會呻幾句,但我單身又未結婚都撐到。」
至於袁潔儀昨午如常為《我愛下午茶》開廠,她表示上月15日才轉有底薪合約:「今日先聽同事講,唔知冇糧出。但希望大家體諒公司,捱多陣會有曙光。如果楊生加入都好,希望加入新意念嘅製作,幫亞視起死回生,最緊要唔好影響到靠亞視出糧嘅一班人。」
根據亞視官網,目前只剩下30男25女藝人,06年亞姐鄭伊娜更已決定不續約,令藝員名單上又少一個。伊娜表示昨日才知冇糧出,早上致電公司,即獲特別安排返大埔取回上月的薪金,她說:「個個都話冇理由(冇出糧),可能我拎張票出嚟會激勵到佢哋士氣,等員工知我第一步有,你哋都有,增加同事信心。」另外,亞姐王家敏及亞生徐丁昨日在土瓜灣出席活動,王家敏有點心灰:「冇得擔心,惟有勤力啲做好其他工作幫補一下。聽講有人等錢養家都唔開心,工作咁辛苦,出糧係應該。」同場的亞洲會主席魏秋樺表示自己跟亞視沒約在身。