當年今日
關於我們

【韓流】拍韓版《步步驚心》鬥餐死之前 李準基姜河那笑騎騎

蘋果日報 2016/01/11 06:00

蘋果香港合照李準基即時步步驚心姜河那韓版金成均

內地劇《步步驚心》被韓國翻拍,改名做《步步驚心:麗》,連日來劇迷對於韓版演員嘅選角都有唔同意見,不過都揀咗咯,得唔得咪睇到時收視成績囉。

而擔正男主角飾演四爺嘅李準基,噚日喺Instagram公開咗同拍檔金成均及姜河那嘅合照,並留言:「哥哥同弟弟,仲有我。」相中三人笑晒口,睇嚟合作愉快。有網民就話李準基同演八爺嘅姜河那於劇中係敵人,劇外就笑騎騎咁老友,真係估佢哋唔到喎。

《步步驚心:麗》採取事前製作嘅形式拍攝,暫定9月先會首播。