日劇天后米倉涼子憑住人氣劇系列《Doctor-X》屢創收視神話，朝日電視台籌拍第五季打算在今年秋天開播，有傳米倉嘅身價已再創新高，每集叫價800萬日圓至1000萬日圓，即約56萬港元至70萬港元一集，如果照計劃開拍11集，令米倉今次酬勞高達1億日圓（700萬港元），成為史上最貴價日本女星，不過有知情人士就代為否認傳聞，只暗示米倉拍劇價已超越國際級影星渡邊謙。

米倉目前身在紐約，為相隔五年再演出嘅百老匯歌舞劇《Chicago》揭開序幕，首場吸引逾千觀眾捧場，而米倉更用英文對白及大展歌喉贏得支持，之後佢就會返回日本繼續演出。米倉為《Chicago》留美至本月中共演出11場，當佢完成首場演出就於後台接受日本傳媒訪問，其間更感動得眼泛淚光。