「我想有一對新波鞋,因為我的舊波鞋已經滲水了。」智仔在本報「童夢成真」許願表格中,如此道出其苦況與心中渴求。
當記者日前探訪智仔時,身形肥胖的他顯得害羞,靦覥地告訴記者﹕「我皮膚好敏感,唔着得膠鞋,着咗對腳會臭到死。𠵱家對舊波鞋又已經爛咗,令我冇鞋着去踢波!」
初來香港勤補英文
不說不知,原來智仔性格好動﹑品學兼優。他上學期考獲全級第十三名,其中英文科取得接近滿分的A+成績,另被老師給予「誠實有禮,樂於助人」的評語,證明智仔是一個人見人愛的好學生。
年過四十歲的母親鄭女士語帶安慰地說﹕「智仔不嬲讀書聰明,佢舊年同我一齊攞到單程證落嚟香港,初時因為英文底子差,成績總分被拉低,於是就好勤力溫習英文,結果唔單止好快追上同學程度,上學期呢科重考到好理想成績。」
鄭女士與獨子智仔移居本港後,靠丈夫從事地盤散工維持生計。她坦言,因丈夫收入不穩,更屢遭拖欠工資,故她一家三口平日要十分節儉。「我哋喺食用方面最慳,買一蚊一包嘅河粉返嚟,加啲瘦肉同油鹽煮嚟食就係一餐。」