當年今日
關於我們

【二次發育】被爆睇婦科疑似有咗 岑日珈:我係個好傳統嘅女仔嚟㗎

蘋果日報 2017/06/16 14:40

岑日珈

今日唐詩詠、陳蕊蕊、岑日珈等喺九龍灣出席眼鏡活動。
日前有報道指岑日珈脹爆睇婦科疑似有咗,佢就好驚訝咁話:「緊係唔係啦!我係個好傳統嘅女仔嚟㗎,結咗婚先可以生BB,呢個係媽咪教嘅。」記者問到咁之前去醫院做咩呀?岑日珈就話:「我去做婦科檢查吖嘛,因為自己都唔係細個,正常每年都要做下檢查。」記者追問咁點解好似脹卜卜咁嘅?佢就話:「自己近期真係肥咗好多,已經上返128磅,真係有啲肥,睇到張相都覺得有少少核突,始終女仔都係瘦啲好,自己成個脹爆咁,都驚追求者會嚇親又或者啲客見到會唔搵佢冇嘢做。」
咁近期係咪開心拍拖所以發福呀,會唔會減下呀?岑日珈就話:「冇呀冇拍拖,不過都要減呀,可能近期係二次發育,唔知點解到到都脹咗,但係我一定係冇小朋友,不過自己見到啲相都覺得難免會被人誤會。」
empty
empty
(攝影:陳慧安)
empty
被指出入醫院岑日珈話係去做婦科檢查。
empty
佢就話自己近期真係肥咗好多所以望落似大肚。