【李八方online】十一全港郵局休息 中國70周年特別郵票須翌日發售
香港郵政郵局中華人民共和國成立七十周年逆權運動
香港郵政昨日(16日)宣佈,10月1日公眾假期當天,所有郵政局(包括郵政信箱大堂)都會休息。
中華人民共和國建國70周年撞正香港人自發的逆權運動,香港郵政本身喺10月1日會發行一套國慶特別郵票。未知係咪擔心有市民踩場,香港郵政今日(16日)宣佈,十一當日全港所有郵政局都會休息。各間郵政局要喺10月2日至會賣套郵票。
香港郵政昨日(16日)宣佈,10月1日公眾假期當天,所有郵政局(包括郵政信箱大堂)都會休息,郵件派遞及收件服務亦會暫停。而在公眾假期投寄的郵件,一如過往,均會於下1個工作天處理。
香港郵政原本安排喺10月1日,發行「中華人民共和國成立七十周年」特別郵票。香港郵政就話,要喺10月2日,至喺所有郵政局發售。
香港郵政又聲稱引入「優化服務」,9月17日至10月1日期間,畀市民訂購依套特別郵票同相關郵品,但就要到10月30日至拎到。
不過,翻查香港資料,香港郵政過往喺公眾假期發行特別郵票,郵政總局和機場郵政局都會如常營業,另外30多間集郵局亦會開半晝。至於點解今年十一要所有郵政局都休息,香港郵政喺新聞稿就無解釋原因。
-----------------------------
【撐學生】
召集有心人 撐學生全年睇《蘋果》
立即按此 -----------------------------
百日特刊記載香港人逆權之路
《逆權百日》 -----------------------------
《囚牢之疆》 專頁
揭開集中營邪惡面紗
今日新疆 明日香港