當年今日
關於我們

城城大熱倒灶獨憔悴
華仔風騷撩牙 陳奕迅流鼻血

蘋果日報 2002/01/15 00:00


前晚許志安爆冷奪得《勁歌》「最受歡迎男歌星」獎,但在慶功宴上可謂有人歡喜有人愁,賽前被視為頭號大熱之一的郭富城,只靜坐在一角獨食,表現酸溜溜。而陳奕迅就突然流鼻血,反觀劉德華則因已奪大獎而顯得神態自若。
許志安前晚在《2001年度勁歌金曲頒獎典禮》上,以爆冷姿態奪得「最受歡迎男歌星」獎項,賽前被喻為大熱之一的郭富城(城城)落敗,表現最為酸溜溜。
雖然城城與另一大熱人選劉德華(華仔)均在慶功宴上,各自逗留了十五分鐘便離場,但華仔可能因奪得「亞太區最受歡迎男歌星」一獎的關係,心情亦相當不俗,惟獨城城就靜坐一邊自顧自進食。而賽前亦是大熱候選人之一的陳奕迅(Eason),談論安仔時竟突然流鼻血。

城城自言攞大獎
城城前晚在席上強調自己絕無失望,他說:「我都係平常心,繼續努力囉,我對自己嘅成績都滿意,我攞咗個大獎(「公益金最喜愛慈善組合大獎」)啦。安仔今次攞獎都戥佢開心,佢自己都話等咗十五年,我絕對冇失望,獎就得一個,唔係你攞就我攞㗎啦,我又唔係未攞過。」
而大獎在手的華仔,前晚神態自若地在席間撩牙。華仔說:「我戥安仔開心,要攞過呢個獎嘅人,至知道攞呢個獎嘅快樂,每年攞呢個獎嘅人要好好品嘗。」

陳奕迅帶挈fans
Eason前晚在慶功宴上,突然流鼻血,要馬上用毛巾拭血及以冰敷鼻。Eason更稱對失去男歌手獎項未感失望,他說:「安仔應該攞嘅,睇啲人企晒起身,就知幾開心啦。」
此外,網上博彩公司「易勝博」(easybets.com)為《勁歌》賽果開盤,網頁發言人昨日透露,投注總額只有港幣四十七萬元左右,據「易勝博」透露,「金曲金獎」和「最受歡迎男歌星」投注額各佔總投注額四分一,其餘則為「最受歡迎女歌星」,雖然許志安爆冷奪「最受歡迎男歌星」獎,但因投注額不多,fans未有因此受惠,反而憑《ShallWeTalk》奪「金曲金獎」的陳奕迅,則帶挈不少fans贏錢。