52歲台灣導演鈕承澤，上周三（5日）爆出涉嫌性侵女工作一員一事（相關新聞︰ https://bit.ly/2SvjJqR），形象盡毀，據台灣《蘋果日報》報道，今早鈕承澤到台北地檢署應訊。

自爆出性侵事件後，鈕承澤閉關36小時，上星期五（7日）佢剃頭憔悴現身，去台北市大安分局說明案情（相關新聞︰ https://bit.ly/2L0sV4h），喺警局逗留約兩個半小時離開，事後佢大呼話︰「司法之外，有一場公審已經在進行了，我已經被判處死刑，鈕承澤已經死了！」

原本當日佢喺警局查問嘅同時，台北地檢署發傳票到警局，要求鈕承澤當日下午4時去應訊，但佢喺警局查問時，因情緒不穩，呼吸感困難，其律師指鈕承澤身體不適，代佢請假。（相關新聞︰ https://bit.ly/2RNZ9C8）

再度閉關嘅佢，噚晚喺fb發文，表示想用「愛」去化解仇恨（相關新聞︰ https://bit.ly/2Uu9IMx）。今早鈕承澤出門到台北地檢署應訊，佢步出家門時，面對大批傳媒守候，佢只講咗一句，如動畫《名偵探柯南》嘅台詞︰「答案永遠只有一個。」便迅速上車。之後鈕承澤喺律師陪同下到達台北地檢署，戴住墨鏡嘅佢不發一言，目前正接受檢察官開庭訊問。

精選娛聞，喺晒《娛果》
http://fb.com/appledailyent