今個馬季曲終人散，練馬師賀賢同阿Paul蘇保羅，早幾日已經飛咗，未飛嘅煞科當晚或者翌日都會陸續現身機場，柏寶就係其中一個，佢一家四口暑期先去新西蘭滑雪，玩到夠至返祖家澳洲探家人。
柏寶煞科只得四匹座騎，當中第五場四班1400米「藍雪山」就真係襯晒；馬主兼馬會主席葉錫安一向好滑雪此道，兩人既志同道合，今季初柏寶夥拍此駒58分爆冷而回，家陣馬落番四班，54分仲低過嗰陣，排7檔又好過上兩次甚至贏馬嗰次13檔，唔好話上雪山，入凱旋門都分分鐘冇難度！