車路士中堅大衛雷斯經已好耐無係車仔嘅比賽出現，究竟係受傷定係失寵，眾說紛紜。不過近日就畀《太陽報》影到，雷斯係車路士嘅訓練基地操練，而且仲相當活潑下添。

車路士官方就宣稱，大衛雷斯仍然因膝傷休養當中，所以唔會出現係車路士作客愛華頓嘅大軍名單。但《太陽報》就拍到多張雷斯係訓練基地操練嘅相，見佢又跳又跑，睇黎傷情已經好得七七八八。因為隊友都去哂作客愛華頓，所以操練過程，只見訓練人員陪雷斯孤獨操。大衛雷斯自從歐聯作客卡拉巴克之後，就再無為車路士上陣。連聖誕新年快車咁等人用嘅時候，雷斯都冇機會，睇黎失寵幾乎就係公開秘密。不過，雷斯都唔愁無人要，繼早前傳出嘅祖雲達斯同皇馬，近來又有傳曼聯同阿仙奴都有意收購呢位巴西中堅。

--------------------
狂賀！BFB系列推出5​周​年，精彩活動為您安排，立即登入速享專屬優惠！ http://bit.ly/2xrTKGM