以豐厚身家和崇高社會地位揮低游學修成為新一代男神的劉鳴煒，昨日以海洋公園副主席身份參加在科學園舉辦的海洋公園保育基金「生態保衞賽」慈善跑，短褲運動look的劉鳴煒大清早就跑完十公里同三公里賽事，滿身大汗，仍然「味」力過人，雖然被本報踢爆封盤，女友奚倩雯（Estella）是摩根大通客戶投資組合經理，但是男神穿上短褲的魅力依然沒法擋，他所到之處，均大受女士們歡迎，現場一群女士，見到男神即刻一擁而上，喪影合照，又玩selfie，吸力相當強勁。

聞棄住豪宅即閃

為了慈善劉鳴煒大方接受訪問，他表示平日都有做運動，不過完成賽事感覺一點都不輕鬆。被問到會不會找女友陪跑，他說：「我係自己做運動。」會否感染下女朋友？他說：「唔使嘅，全港巿民都應該做運動，有咁多地方。」
話題轉到被封新一代男神時，他的反應似乎不太喜歡：「係一個標籤，我嘅票仲少過行政長官，唔好多叫。冇話鍾唔鍾意，男神呢啲標籤見仁見智，唔好由十幾位女士選出嚟就覺得有廣大認受性。」當問到是否為了拍拖而放棄住豪宅時，劉鳴煒即閃說：「唔好意思。」
另外，人妻徐淑敏（Suki）表示老公黃浩之前主動提起在活動上會見到新一代男神，Suki現場亦大讚劉鳴煒聰明靚仔，但Suki又賣口乖說：「我老公都係筍盤，不過封咗盤之嘛。」
採訪：卓寶花
攝影：陳慧安