又一次無心之失！兩個月前，吳國敬不小心爆了兄弟蘇永康即將結婚，前晚劉浩龍（師兄）又再失手，不小心爆許志安和鄭秀文（Sammi）結婚了！
劉浩龍、蘇永康、許志安和RubberBand前晚在會展擔任「為80後喝采音樂會」演出嘉賓，被爆今年12月好事近的蘇永康因為失聲，找來師兄相助。春風滿面的師兄，談到日前被拍到跟容祖兒拍拖嘆雲吞麵，他說：「咁啱啫，我哋都會有同三、五個朋友一齊食。細細碗麵都唔平㗎！雲吞麵香港特產嚟㗎嘛！」
師兄直認跟祖兒很少機會可以拍拖撐枱腳，記者即提議師兄跟祖兒同居，這樣可以見多幾面，就好像許志安和鄭秀文一樣，師兄聞言後，心直口快吐出一句：「佢哋結咗婚啦！」出事啦！全場鴉雀無聲，師兄開始察覺自己講了一些不應該說的話，尷尬地試着為衝口而出的話辯護：「雜誌話嘅，當結咗㗎喇，我太想佢哋結喇！」有份擔任嘉賓的許志安，旋即成為追訪對象，上台前路過的安仔被問到師兄踢爆他已婚一事，他淡定地回應：「唔使理佢，唔係啦。」不過完騷後，安仔沒有接受訪問便急急離開。

安仔昨日出席荷里活廣場舉行「國際家庭年20周年」活動時再被圍攻，他笑笑口說：「其實佢（劉浩龍）冇乜留意我啫，我哋（與Sammi）有共識㗎喇，多謝大家關心。師兄亂講嘢，我同佢唔係好熟，冇乜交流喎！真係未（結婚），佢講錯啫！」
蘇永康和安仔先後被兄弟踢爆婚訊，一再追問安仔跟蘇永康誰先成婚，他繼續守口如瓶：「真係唔知喎！都話有共識咯。」之後再被問到生小朋友有沒有共識，他說：「太遠喇，唔講呢啲住。我成日都話傳媒好犀利，冇嘢係唔知嘅，係啲friend亂講嘢啫！」
採訪：黃曉妍、藍文浩
攝影：黃偉雄