對於律政司司長鄭若驊2008年購入屯門獨立屋時，在按揭文件及樓契均無提屋內有僭建逾千呎的地庫，今早到立法會旁聽特首答問大會的行政會議成員、民建聯葉國謙回應反指「邊度會有寫有地庫架，肯定唔會有寫啦！」他相信鄭家的地庫一直存在「但嗰啲唔係裡面嘅圖積，就唔會寫喺（按揭文件及樓契）度」，更稱新界的獨立屋「10間裏面，有10間半都有僭建，大家都有常識」。

葉認為，即使鄭若驊未有在按揭文件及樓契寫出有地庫，銀行亦會知悉單位內有地庫，「你估銀行唔知？唔寫都會知啦！」他相信該地庫在鄭若驊購入前已存在，故相信鄭若驊不會被屋宇署控告。昨日表態力撐鄭若驊的另一名行會成員李國章，被問到鄭的按揭文件涉嫌隱瞞僭建資料時，他即稱「我唔知呀！我無跟到。」。

另一行會成員、新民黨主席葉劉淑儀指，今日聽完特首解釋後，知道特首覺得是鄭若驊無心之失，明白要找人出任司長並不容易，故選擇「疑中留情」，「我係接受呢個解釋，係願意畀鄭司長呢個機會嘅」，但強調未來仍要看有甚麼新資料披露，以及鄭若驊如何解釋疑點。對於鄭若驊2008年購入單位時簽訂的按揭文件及樓契，並無列明任何地庫，葉劉希望，鄭司長可以再作出解釋，「佢（鄭若驊）嚟唔嚟立法會，都要再解釋，因為佢嚟緊好多場合要嚟立法會，亦都要面對公眾同傳媒，所以我相信佢都要再進一步解釋」。

前全國政協委員劉夢熊則在facebook上批評鄭若驊本身是資深大律師及土木工程師，更曾任建築物條例上訴審裁處主席，丈夫樂陶先生亦是專業工程師，竟在買物業時及買之後都不發覺有僭建，「個唔係警覺性不足嘅問題，亦都唔係政治敏感度不足。而係你鄭若驊作為資深大律師同土木工程師，係無乜可能對僭建無認識。簡直係『如入鮑魚之肆，久而不聞其臭』，係鄭若驊誠信有問題。」