吳若希自入行以嚟，一直負面新聞多多，噚晚佢憑《眼淚的秘密》咗《萬千星輝頒獎典禮2015》「最受歡迎劇集歌曲」，點知佢上台致辭嗰陣，忽然爆：「我今日係冇諗過會攞獎，覺得呢個獎係要經過那些年或者一顆不變的心。」

「經過那些年」呢句擺明就係汪明荃首《華麗轉身》嘅歌詞，吳若希仲用嚟寸對手汪阿姐，其實早前一班高登巴打都開po話支持汪明荃，不過，最終個獎落咗喺吳若希手上，更估唔到吳若希開口寸汪明荃，有網民留言問：「點解吳若希夠膽寸汪阿姐首那些年攞唔到獎!?」另一網民就寫道：「真係老實講，頒俾Linda又好，阿Fred又好，Alfred都好，都唔應該頒俾佢，冇唱功已經唔配做歌手，仲要冇大冇細，呢下最離譜！」

亦有網民質疑：「一早都知祖兒一定攞唔倒，TVB長期做馬，實畀親生女吳若希。」有網民戥鍾嘉欣唔抵，覺得佢首《一顆不變的心》好聽！

其後，吳若希喺facebook玩直播稱：「多謝大家支持《眼淚的秘密》，頭先喺台上太緊張，多謝漏咗fans，頭先有人問我唱完歌喺度笑咩呢?其實我係笑緊，我唱緊歌嘅時候，隻手係咁震!」