吳綺莉與「小龍女」吳卓林母女關係陷入僵局，卓林於今年3月報警指控母親刑事恐嚇，之後卓林因病入院住咗一段頗長時間，令吳綺莉好擔心，多次喺社交網站貼文訴苦，話好掛住阿囡，佢同貓貓都好想囡囡快啲返屋企。

今早，吳綺莉喺微博貼上多張屋企唔同角落嘅相片，見到吳綺莉家中以簡單白色為主調，櫃上放有大量公仔同畫作，其中一張掛畫更是母女Q版畫像，另有多張卓林童年與媽媽嘅合照，吳綺莉寫道﹕「回家的感覺真好。」唔少網友都猜測卓林已經返咗屋企，並送上祝福。不過，吳綺莉今日以短訊回覆《蘋果》話﹕「No Yet.(仲未)現在盡力處理中，謝謝關心。」