馬天佑上星期展開佢嘅英國同巴黎時裝周之旅，喺英國地鐵發生恐襲後1小時抵達當地，結果不停收whatsapp，除咗媽咪要佢定時報平安，唔少朋友都提醒佢要注意安全。

日前已經飛抵巴黎嘅馬天佑，噚晚香港時間10點鐘左右，喺當地出席一個時裝show，佢同《蘋果》講：「好開心呀，今次有3個香港設計師行show，我就係呢個今次嘅director。」

講到巴黎之前都發生槍擊事件，問馬天佑會唔會擔心安全？佢就話做嘢唔會擔心咁多，同埋相信搞活動嘅哋方都有好嘅保安。馬天佑話：「今次嚟都係做嘢做嘢同做嘢，剩係我自己要帶嘅嘢都有成十箱，係好震撼！」