樂隊KillerSoap噚晚喺葵涌一間茶餐廳拍攝新歌MV，請嚟麥貝夷、樂隊太極成員Joey Tang、羅彩玲、張加恩客串。麥貝夷到場時，一臉春風，佢自爆dry咗好耐，終於有滋潤喇！

麥貝夷話：「有次喺電台做啤梨(葉文輝)訪問，俾佢發現我手上戴住隻戒指，係情侶戒指，不過唔係求婚亦冇訂婚。」佢起初都故作神秘，只係話男友係圈中人，當問到佢係咪KillerSoap成員時，即係面紅，兼語無論次，甜笑話：「我哋識咗好耐。」問佢今日係咪以女友身份演出?佢怕醜笑晒話：「唔知呀，希望順順利利啦。」麥貝夷噚晚着住露腰裝，原來男友事前已過目，話冇問題，不過就叫佢做多啲運動，因為腹肌唔夠林明禎勁，麥貝夷即話：「係啦，林明禎真係女神，我都希望有佢嘅身材，上圍要加油。」

當問到KillerSoap邊個係麥貝夷男友時，個個唔肯講，依依哦哦，見到低音結他手p低音結他手陳樂恆手上都戴住戒指，佢見被發現，至尷尷尬尬承認：「係啦！」講到佢好大方任意女友着得性感，陳樂恆笑話：「神創造萬物，好嘢應該畀人欣賞。」