即將於８月２４日上映的印度電影《打死不離3父女》，以摔跤為主題。摔跤雖然是是一項古老運動，更是奧運項目，但搏擊運動在香港比較冷門，沒有備受關注。不過本港一名年僅１９歲的運動員，不止視摔跤為人生轉捩點，更出征多國，為港爭光。
很難想像身形精壯健碩的陳浩賢在１６歲時體重達２００磅，他表示當時性格十分膽小怕事，甚至怯於與人交流。接觸摔跤後，才慢慢改變，「摔跤有啲係我嘅轉折點，由我係一個一事無成嘅大肥仔，一路練打練摔跤，去左唔同地方比賽，令我見識左好多世面，令到我性格都有改變。」他直言全靠摔跤才使他變得外向大膽，更喜歡交朋友。

對於電影中講到前摔跤運動員瑪哈維，訓練女兒吉塔和芭碧塔成為金牌摔跤選手，就算面對男選手都輕鬆戰勝。浩賢表示摔跤其實主要是以技巧性取分，並非單靠力量制勝，所以確實很適合女士們學習，因為女生先天柔軟度較高，可以做到比較靈活的動作，而且若接受基本訓練，絕對可以保護自己，又可以強身健體。
「套戲可以將摔跤做到咁有動感，跟住咁好睇又有劇情都係好吸引。」浩賢又大讚《打死不離3父女》用呢項冷門運動做主題，可以令觀眾透過電影認識這項運動，更認為可以達到宣傳效果，「好似你睇張家輝《激戰》咁，個期都好多人打MMA啦。」

記者：Sapna
攝錄：馮峰、NEO