【新增影片】

曼聯一班主力最近幫手宣傳荷里活新電影《皇家特工：金圈子》，部份球員好似桑馬達同保羅普巴都著晒老西，扮電影入面嘅角色拍攝宣傳片，隊友之間亦互相問問題，談到邊個最適合做皇家特工，而盧卡古同普巴仲一齊取笑拉舒福特未夠資格做特工，因為佢成個人嘅腦囟都好似未開發咁。

另外，迪基亞、馬達同連格等都戴住黑框眼鏡，好明顯係想學哥連費夫同泰隆艾格頓兩位主角嘅造型。《皇家特工：間諜密令》喺2015年上演後大受歡迎，今年推出續集，都係由佢兩位主演。