致電熱線Check分鐘可能要收費

蘋果日報 2002/06/17 00:00


呢輪大台嗰邊冇乜動靜,日前「Mark哥台」向所有用戶退番漫遊按金算係一單小陽春,今時今日嗰三千銀幾好使㗎,當用戶喺國外致電回港就要轉用回撥方式,不過都唔係好難啫,相信大家好快就會慣。
另一單就尚未向外公布,就係某台有可能連致電熱線Check分鐘都要收費,呢單嘢實行起嚟都幾大鑊,有關高層真係要三思,不過唔難發現,以往呢個時間都有指定嘅代言天王廣告,今時今日連報章廣告都冇乜,你知咩環境啦。而另一邊廂「V字台」就可以自由設定每日以短訊方式發放最Update嘅個人帳戶資料,都幾方便㗎,真係唔同台唔同命呀!