當年今日
關於我們

【係論盡咗少少】黃紫盈認封盤 孖機械人男友食好西

蘋果日報 2017/04/10 15:01

黃紫盈男朋友封盤

前新聞之花黃紫盈最近為信和集團旗下嘅Sino Club拍宣傳片,片中安排咗佢有螢幕男友,但唔係靚仔,而係一個智能機械人Nao,負責照顧紫盈,陪玩陪食。
紫盈今日接受《蘋果》電話訪問時話:「Nao識睇、識講,又識分析同照顧人,佢好Sweet,我哋好合拍。拍嘢時好多笑料,Nao講對白時,因為動作太大,kick到反光板,五體投地向前跌,全team人笑到肚痛,不過佢好叻識自己企返起身。」黃紫盈好有食神,拍親嘢都成日食好西,佢話呢次就食到冇肉「未來漢堡」。
紫盈螢幕有Nao,現實生活都有幸福另一半,甚少提及私人感情嘅佢直認「封盤」,佢話:「我感情好穩定呀,大家相處好開心,多謝大家關心。」