今日梁琤、何佩瑜（Jeana）等等今日去到西九龍中心為電影《辣警霸王花》謝票，Jeana今日密密實實，係唔係因為同翁子光拍拖後避免性感？佢就笑住話：「唔係嘅，佢都叫我可以性感下，睇場合啦。我自己唔會避，如果有好劇本性感都無問題。」Jeana指對男友101%信心，因為對方唔會夜蒲：「我都無乜興趣去玩，人大咗會有嘢唔同，反而會喺屋企煮飯招呼朋友。」佢仲話視翁子光結婚對象，不過暫時就未有結婚計劃

梁琤再接拍動作片，佢大讚戲中演員很乖：「見到佢哋咁搏命，睇到以前嘅自己。我都被人成個掟落啲膠樽度，雖然辛苦，可能我有被虐狂。」

講到老公吳岱融喺《巨輪II》嘅劇份被網民話係《亂輪II》，梁琤話：「都係配合劇情、性格啫，其實佢都係跟返劇情同角色啫，強姦成唔成功嗰啲，你哋睇落去就知啦。」咁係咪覺得吳岱融好投入演出？「平時同佢對戲、對對白，大家都好投入，我有個咁嘅老公都驚。」