被視為今年底最受注目嘅韓片《與神同行》，將於12月20號壓軸喺韓國登場，而香港方面就會於明年1月11號開畫。

《與神同行》陣容強勁，由河正宇、車太鉉、金荷娜、朱智勛、EXO嘅D.O.等主演，電影商日前已公開《與神同行》首個預告( http://bit.ly/2htYVTz )，講述車太鉉飾演嘅消防員死後被帶到地獄，並要喺49日內喺7個唔同嘅地獄接受審判嘅故事，河正宇同朱智勛都飾演地獄使者，而李政宰將會以閻羅王一角特別演出。

而近日一眾演員都密密為電影宣傳，當中13位演員包括河正宇、車太鉉、朱智勛、李政宰、D.O.、金香起、金海淑、吳達洙、金東昇、張光、金秀安、林元熙和鄭海鈞，日前合體拍攝封面，單睇個陣容已經好吸引。

更多韓流，喺晒《娛果》
http://fb.com/appledailyen