由人大釋法、三權合作論，到特首曾蔭權出口術干預司法覆核權，香港法治屢受挑戰。吳靄儀表示，法治的基礎理念，是以法律限制政府權力；但過去十多年，行政機關權力無限增加，立會制衡力量越來越低。從限制行政機關權力、保障人權自由而言，法治肯定是後退。
吳靄儀批評，外傭居留權案中，政府和建制派無視法治基本原則，是維持個人可訴諸法律、及其享有法律代表的權利，將之變成政治議題。如不中聽便可反對個人訴諸法庭、權利如何保障？「李旺陽、劉曉波、趙連海何以有咁大屈辱、維權律師點解要付咁大代價？就係因為內地唔尊重呢一套，冇呢個原則。」她更狠批政府和建制派歪曲法治觀念，「家喺立會講法治講得最多嘅係劉江華，但佢意思係如果有人犯法，差人就要拉，有人不守秩序，警方就要懲處。」