「未來方太」鄧麗欣(Stephy)今日以活動大使身份,出席銅鑼灣舉行嘅柯尼卡綠色音樂會。講到環法單車賽,Stephy就話有一段時間好鍾意踩單車,佢話:「都係受小方(方力申)影響,屋企整晒裝備,好有型0架!不過0依家冇踩,放咗喺度。」
之前方力申喺一個訪問入面講到,話希望組織家庭,仲出口術話要生3個小朋友,一個女兩個仔,今日同Stephy講番呢件事,佢就笑住話:「佢想就有咩!三個好難,0依家呢個時勢好難handle,我自己覺得兩個就夠,佢係雙魚座,幻想派,現實其實好難實現,都唔知得唔得。」
Stepy仲大膽叫小方可以考慮自己生,佢話:「不如叫佢試下,佢之前講過話想試,佢做咁多運動,隨時reday。」問到佢幾時會生第一個,Stephy就話唔排除未婚懷孕,最緊要二人早有共識。