王維基創辦嘅香港電視網絡（HKTV，前身城市電訊），日動總動員出動，為爭取發牌舉行試映會，播出逾十部劇集的短片。話明要靠創意出位，當日播出嘅恐怖片《驚異世紀》有甩頭、扯面皮、食內臟等鏡頭令人心寒；《第二人生》中，劉浩龍同飾演十年前嘅自己、樂隊Tonick主音趙善恒肉緊激吻；另外仲有《還來得及再愛你》、《三面形醫》、《童話戀曲201314》都有好多可以話重口味亦可以話破格嘅畫面。

噚日「香港電視」喺facebook個fanspage話，如果大家post或者fanspage嘅likes過咗5位數字，佢哋就會將預告片放上網俾大家睇，結果一呼百應，話咁快已有萬二人like。「香港電視」亦履行承諾，搵員工漏夜十二點幾返公司up三條片上網，一條係非戲劇類別，另外兩條當然係大家期待已久嘅劇集類別。

見到黃日華、廖啟智、駱應鈞、夏雨、元華、冼灝英、林利、林嘉華等熟悉嘅面孔，仲未久未拍劇嘅鵬哥盧海鵬，真係急不及待想快啲睇﹗

香港電視HKTV節目試映-戲劇類(Part1of2)網址﹕
http://www.youtube.com/watch?v=9eufgvNvax0