【臨時拉扶】蘇慧恩頂替蔣嘉瑩演出音樂會 師妹大讚有義氣
蘋果日報 2019/09/24 18:25
音樂會蔣嘉瑩蘇慧恩
攝影：陳慧安（右）
蘇慧恩與新人施匡翹（Zaina）昨晚於尖沙嘴舉行音樂會，原定這音樂會是蔣嘉瑩（Vivian）與Zaina的音樂會Part 2，Vivian卻不幸突然患上肺炎要留醫，要由蘇慧恩臨時頂替。蘇慧恩與Zaina未曾合作，顯得較為緊張，蘇慧恩說：「都有啲擔心Vivian嘅肺炎，因為之前我嘅親戚都係肺炎，比較嚴重，希望佢可以快啲出院，對歌手嚟講肺係好重要。」
蘇慧恩表示前晚10時收到通知要臨時頂替，連自己也覺得好大件事，她說：「我即刻去另一半屋企，由11點練到凌晨3點，之前我哋冇合作過，所以都有啲緊張。」Zaina指她們會合唱《假如真的再有約會》及《喜歡你》兩首歌，蘇慧恩說：「都會唱啲正能量嘅歌曲，希望帶畀大家開心同快樂。」Zaina則說：「同Vivian都有聯絡，希望好番後我哋3個可以特別組隊crossover。」她更大讚師姐有義氣，能夠臨時頂替，令她可以完成音樂會，而二人謂演唱會後待Vivian休息足夠便會相約探望對方。
採訪：羅慧敏
蘇慧恩與新人施匡翹（Zaina）首度合作！
蘇慧恩表示稍後會探望蔣嘉瑩。
蔣嘉瑩突然患上肺炎要留醫，惟有缺席音樂會。