【本報訊】在政壇打滾大半生的李卓人早前在一段選舉宣傳短片「懺悔」,自言有成功過,有失敗過,有對過,也有錯過。他受訪時坦言政途上最感愧疚的是他一代人竟與年輕一代失去扣連,「問我輸過乜?我真係好擔心輸咗一代人嘅信心」。
要老中青全投李卓人,反對理由一大堆,因他是左膠、大中華膠;亦有人批評他多年爭取一事無成,要數最亮麗戰績或是落實最低工資,但李卓人清楚這些都不中年輕人紅心,「年輕人(追求)嗰個唔係議題嘅贏輸,年輕人係覺得好似香港越嚟越冇希望,我覺得我自己未能夠令到年輕人、我哋一代人未可以扣連到下一代一齊去抗爭,我係覺得好愧疚」。他說今次選舉特別着重競選團隊內的年輕人意見,「佢哋同返年輕人講,好過純粹我用返我自己思維,我都學習緊點樣令到(與年輕人)扣連更加好」。