當年今日
關於我們

【亞冠】冇外援冇戲唱 權健狂吞鹿島鹿角三蛋出局

蘋果日報 2018/09/18 21:30

鹿島鹿角亞冠盃內田篤人王永珀八強韋素天津權健莫迪斯迪安部裕葵

中超唯一希望出局!禮拜二亞冠八強次回合賽事喺澳門運動場上演,失去韋素同埋莫迪斯迪兩大外援嘅天津權健延續頹勢,狂吞日職鹿島鹿角三蛋,兩回合計以0:5大敗出局。
內地媒體之前就話,因為天津開緊達沃斯經濟論壇,出於保安理由,呢場比賽要移師澳門。權健首回合作客日本已經以0:2輸波,加上受韋素、莫迪斯迪出走拖累,球隊嘅近況認真唔掂,近三場比賽只係得一和兩負。
天津今場繼續有星級前鋒柏圖在陣,拍住楊旭組成雙箭頭;鹿角亦都派前史浩克04後衛內田篤人上場。澳門都算係半個主場,有唔少內地球迷到場支持權健,而佢哋喺上半場九分鐘就有埋門機會,中場王永珀禁區頂高難度倒掛,不過離門太遠威力不足。但四分鐘之後權健就失守,鹿角嘅遠藤康開出角球,由無人看管嘅巴西外援沙真奴頂成1:0。
到咗26分鐘權健又再失守,鹿角後衛內田篤人右路傳中,安部裕葵接應一射入網,比數領前至2:0。易邊後鹿角再下一城,權健守衛全部眼神防守,眼白白睇住土居聖真喺66分鐘接應沙真奴傳送乖巧射入,大勝3:0完場!
--------------------
荷蘭殺神[紅SP]戴維斯參戰確定!立即下載 BFB CHAMPIONS 2.0,建立你的橙衫軍! http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports
empty
權健8強止步
empty
權健眾將表現令人失望
empty