臨場識執生睇攤路好重要，呢晚由第二場開始，7號馬贏開有條路，先由「勝算高」及「大哥哥」包辦第二口孖寶，去到第四場7號馬「凱倫之寶」即刻變大熱，冧巴旺之餘，騎嗰個更加係雷神，於是由頭熱到尾，三歲馬增程初跑千八後上一攻而破，仲幫埋7號馬連奪第二、三口孖寶。至於沈集成同雷神合作以來，已經攜手贏出四W，勝出率有三成六，呢個組合睇嚟幾有火花。今趟同時係沈廐新一年首勝谷草。而第三場頭馬「大哥哥」乃久休逾半年復出，馬主蔡玉表示愛駒本來早就可上陣，但姚本輝識做，刻意等到工作繁忙嘅蔡太有空餘時間入場，才替此駒報名出賽。