異地姊弟戀 | 鄧麗欣太耐無見邱勝翊 唔敢諗點繼續行落去
蘋果日報 2020/12/12 15:02
鄧麗欣王子邱勝翊傅穎Miki
資料圖片
鄧麗欣（Stephy）2002年以組合Cookies出道，由當初9名少女變成4個，之後再先後傳出與傅穎（Theresa）和楊愛瑾（Miki）不和。她的友情和感情多年來都成為焦點，Stephy日前接受商台《1圈圈星光背後》訪問，剖白跟舊拍檔的姊妹情，以及跟台灣藝人邱勝翊（王子）的異地姊弟戀，坦言不敢想得太多。
37歲Stephy和31歲王子拍拖2年，對於見證住好友吳雨霏（Kary）和Miki先後結婚生子，Stephy直認有母性：「會戥佢哋開心，但冇羨慕，有抱過佢哋嘅BB，我都有母性，都鍾意小朋友，但鍾意小朋友唔代表要生一個。」問到有否跟王子談論婚姻大事？Stephy坦言：「大家都有諗過……繼續行落去會點？始終分隔兩地，要點處理呢？但一諗到呢一點，就會想『唔好諗住』，大家先做埋手上啲嘢先。」
雖然單親家庭長大的她選擇逃避婚姻問題，但亦不存在陰影，她說：「細個的確對呢樣嘢（婚姻）有懷疑，但而家會明白呢樣係個人抉擇。」她自言不介意姊弟戀，年齡差距不是問題，最重要溝通得來，因為疫情已很久沒與男友見面，但現階段大家的感情還很好，現時要靠科技視訊維繫，真的沒辦法。
在Cookies成員當中，她跟區文詩（Angela）最親密，Stephy亦承認去年鄭秀文（Sammi）演唱會才再跟Theresa和好，重提當年跟Theresa疏遠的原因？她說：「我好善忘，連發生咩事都忘記咗，應該係有啲誤會。我信緣份，就好似拍拖咁，無緣就分開，大家無嘈交，只係無聯絡。直到上年Sammi演唱會見番再交換電話，之後有再聯絡，再互相follow大家，我最近都有睇佢嘅劇。」
此外，Stephy為ViuTV演出《男排女將》，事隔17年再演港劇，她說：「我本身好怕醜，Cookies之前冇諗過做呢行，係命運安排誤打誤撞，最初冇目標，只係識得見步行步，真係冇遠大理想要開咩大型演唱會，但呢年專注演戲，呢樣先至係我自己揀，個人大咗慢慢知道自己鍾意演戲，覺得演戲嘅世界好啱我。」
鄧麗欣與男朋友王子分隔兩地多月沒見面。（互聯網圖片）
鄧麗欣相隔17年再拍劇集。（劇照）
鄧麗欣和餅碎姊妹情多糾紛。（資料圖片）
鄧麗欣日前接受商台主持梁泰來訪問。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！