【新增影片】

練馬師賀賢今季部署新勝馬，往往乘勝追擊，如剛戰「大情人」取得三連勝，便是最好證明。今期（17日）賽事賀賢又有「索先生」及「福愛寶」贏完再出，其中「福愛寶」挾佳速而來，更可重視。

第九場三班1600米，「福愛寶」上仗初跑此程即重開勝門，該役早段步速超快，此駒耗力跟前而末段後上馬竟然未能埋身，彈甩對手兩個半位勝出，姿態非常誇張。

「福愛寶」當日總時間1分34秒66，表面上只比標準時間快0.14秒，不過同日其餘七匹草地賽頭馬，締速分別比標準時間慢0.42秒至1.46秒，「福愛寶」屬於「全日偏慢，一駒獨快」之高水準模式頭馬，今次用潘明輝，負113磅比上次仲要輕一磅，交回上仗之段速，已力足以再下一城。