【自認冇事業心】「陽光妹」譚凱欣為妹妹譚凱琪復出 冇後悔早嫁朱永棠
蘋果日報 2020/09/11 15:49
陽光妹譚凱欣檸檬茶朱永棠
（影片截圖）
今年6月宣佈陀B的譚凱琪（Zoie）目前專心安胎，近期趁空檔進軍YouTube市場，頭炮找來家姐譚凱欣（Nicole）拍片，分享當年入行的軼事。
Nicole在1991年因為拍檸檬茶廣告而入行，接着她轉投電影圈發展，拍過《新殭屍先生》、《五個寂寞的心》、《都市情緣》等，直到2005年與朱永棠結婚並育有2女，從此淡出了娛樂圈。Nicole在片中亦有談及此事，她表示曾經有不少人問過會否後悔退出娛樂圈，不過Nicole說：「其實我係冇乜嘢事業心，係愛情至上嘅女人，每個人追求嘅嘢唔同，當然可能重新再嚟過，我未必會咁揀，但係每個人都要有啲後悔先會令你識得再向前行……我而家冇話好後悔冇喺呢一行，最緊要係個過程享受，我而家都好enjoy呀。」
現年52歲朱永棠，近年已淡出香港娛樂圈，主力北上發展，今年2月是兩人結婚15周年，朱永棠曾經在微博放閃：「十五載……風雨同路，崎嶇同途；陽光是妳，明月不離；花開仍在，花落不棄；高山低谷，牽手同行，沿途是妳……十五年的日子話説不長，歲月共享，感謝有妳同甘共苦，在漫長的十五年歲月裏有妳同在。」難怪Zoie覺得家姐很幸福，實在沒有甚麼要需要後悔的地方。
另一方面，在片段上她們分享了不少童年相片，Nicole當年入行只有14歲，提到入行經過，她說：「其實真係好偶然，嗰陣我入咗攝影學會，跟住就要交啲作品，有一日同媽媽去咗赤柱影相，返屋企途中，遇到星探同媽咪話：『我覺得你個女好適合我哋嚟緊個廣告。』」之後咪抱住一試無妨嘅心態上咗製作公司試鏡，後來先知係拍陽光檸檬茶廣告。」廣告出街後，當然有不少人對Nicole感興趣：「第二日返學校吸引咗好多老師、同學嘅注目，我嗰陣係排球隊，打波有對面學校有男仔大嗌『陽光妹』，又或者叫我個名，搞到我都好尷尬。」
譚凱琪與家姐譚凱欣姊妹檔拍片做YouTuber。（影片截圖）
兩人姊妹情深。（IG截圖）
譚凱琪在短片上貼了姊妹的童年相片。（影片截圖）
當年譚凱欣因拍檸檬茶廣告而入行。（資料圖片）
譚凱欣與朱永棠結婚後，淡出了娛樂圈。（資料圖片）
今年是兩人結婚15年，朱永棠在微博放閃。（微博截圖）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！