趙哲妤（Uny）早前出席活動嘅時候，突然宣佈大肚，有咗BB六個月。嗰時Uny仲喊晒話唔知點算，之後出活動又突然好開心，仲話計劃埋BB嘅事，又話爸爸會負責任。無論點都好喇，生BB都應該係件開心事嚟嘅。雖然Uny話爸爸會負責，但佢都好努力搵奶粉錢，最近成日都會喺活動見到佢。

日前Uny完咗活動之後，佢就先車助手去到何文田，之後就同另一個助手去到荃灣，佢哋先去banner shop，助手就拎啲印刷品上車，隨後去到一間酒店嘅地下，幫屋企人有份嘅餐廳做佈置。

其間Uny就放好啲宣傳單張，又放好啲萬聖節裝飾，Uny雖然大住個肚，但都親力親為落手做，冇叫晒個助手搞。喺佈置緊嘅時候，因為Uny着住條露膊連身裙，所以都吸引咗唔少途人嘅目光。

佈置完成之後，趙哲妤同助手一人飲咗碗湯，之後Uny仲食咗一大碗乳酪，食咗成半個鐘，大住個肚，食生冷嘢好似唔係咁好喎，做人媽媽，記住要小心身子喇。