過年之前個市都幾好,但係人行就同大家開咗個玩笑,港股「收爐」即刻宣布抽緊銀根,加存款準備金,今日港股會點反應,都好難講,股民喺「新春盤」都有一個共同嘅願望,就係紅盤炒上去賺錢,攞個利利是是嘅好意頭,一般開市時走勢唔係好差,都會傾向唔沽貨,或者買番啲,所以,抽緊銀根嘅消息唔一定喺今日反映出嚟,不過,期指好快就結算,大家發新年財嘅時候,都係要有兩手準備。
網通C輪4568:網通(906)上禮拜五報收20.50元,走勢好靚,補番月頭個下跌裂口,升破21元就可以大幅推高,向26元嗰頭走,向上嘅升幅確係幾吸引。
網通C輪4568上日報收45仙,槓桿率4.6倍(有效4.2倍),仲有69日先到期,溢價1.4%,對沖值0.91,正股升上26元,4568會見96仙樓上嘅價,就算正股升至24元,隻輪都有7成以上升幅,呢個價買啲,正股跌穿19.20元止蝕。