外號「民望高」嘅食物及衛生局局長高永文，因為幫手落區宣傳政改，一度情緒失控爆seed同市民激辯，結果令支持度大插水。政制及內地事務局局長譚志源今日被問到呢件事，卻話唔緊要啦，事關民望高喺民望方面，屬於「百萬富翁」喎，暗示佢民望跌極都仲係「首富」。

睇返港大民研最新公佈嘅民意調查，又係喎，民望高支持度雖然跌咗跌9%，但都依然喺問責局長中排第一囉！至於譚志源本人，佢自稱唔係負數就得㗎嘞，份人真係易滿足！