苟芸慧今晚於中環出席按揭公司周年活動，提到投資，苟姑娘開心指今年賺到點錢，希望可以學投資來錢搵錢，目標是請老公到馬爾代夫旅行，苟姑娘說：「希望投資賺多少少，就請老公去個trip，去馬爾代夫，佢可以幫我影吓相，到時緊係要着三點式。」苟姑娘又透露在加國有物業投資，但香港樓價太高，還未考慮入市，她又指多年來只會買磚頭投資，其他投資項目則未敢嘗試。

苟姑娘即將到大陸拍攝一部歌舞劇，現時積極練歌跳舞，她說：「已經練咗兩、三個月，因為會有好多人參與，遲啲會一齊排練，會返內地一、兩個月拍攝，一共有12集。」苟姑娘自言對跳舞有天份，劇中要表演較性感的Jazz Funk，她說：「要練到S Shape嘅身型，雖然未必有太多機會去騷身材，因為角色係性格好tough同果斷嘅女仔，會係fashion，但唔會太sexy。」問到老公會介意有性感演出嗎？苟姑娘說：「老公鍾意我sexy，佢冇讚我，不過我知道佢鍾意sexy嘅我。」記者笑問她在家是否不用穿衣服？苟姑娘即笑說：「有㗎。」而苟姑娘亦表示老公不會介意她穿得性感，連拍劇時有辣身舞或親熱戲份也沒有所謂，她說：「佢OK嘅，好多嘢佢都畀我話事，可能會去現場睇。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI