荷李活女星奧瑪花曼今日首度來港,晚上出席第二屆「PowerofFilm」於清水灣電影製片廠舉行慈善晚宴,同場仲有台灣型男高以翔﹑韓星金素恩﹑名模AmandaS.、卓韻芝BB、琦琦同周秀娜等。眾出席女星爭妍鬥麗,周秀娜晒腿,AmandaS.騷玉背,卓韻芝就Sell清純(佢竟然賣清純﹗﹗﹗),琦琦就行高貴。
奧瑪花曼心情勁靚,仲擺晒電影《標殺令》(KillBill)格鬥甫士,好鬼馬﹗去年七月誕下女兒嘅奧瑪花曼已收身,佢話:「 好神奇,我仲有一個步入青春期嘅孩子,0依家忙於湊BB 。」
講到同佢合作《標》片嘅武打明星劉家輝,早前因意外跌倒而中風,奧瑪花曼聞言感愕然,佢大讚劉家輝係神奇又有天份嘅男人,佢仲話會嘗試透過導演問候對方,認真有心。
「第八屆金話梅電影選舉」又嚟喇。今年除港產片有獎攞,仲增設「最爛合拍片」獎。栢芝憑四套電影入圍「最爛女主角」,應該冇得輸。大家快快投票啦,結果將於4月12日在《蘋果》娛樂版揭曉。
公投網址: http://facebook.com/AppleDailyGoldenPlum