當年今日
關於我們

二奶馬坐正!最穩健騎練組合誕生

蘋果日報 2015/01/14 06:00

二奶馬坐正!最穩健騎練組合誕生

雷神呢晚上半場手風麻麻,兼且連番揀錯馬燒鬚,事關第三、四場「天地福星」同「皇仁威龍」由佢騎完,分別換薛寶力同杜利萊,分別跑亞軍及第一,反為佢同場騎其他馬卻連位置都冇。
不過神即係神,第五場四班一哩,雷神對「連利之星」鍥而不捨,結果幫呢匹蘇廐馬以大熱門身份打破悶局,第10次上陣卒之出頭,將之前五度跑亞軍之二奶命完全打破,至於今場跑第二「野外桃源」,第三名係在港初次上名的「安打」,第四名則係初跑谷草之「神州魅力」。
連同「連利之星」,由元旦到目前為止,蘇廐已經攞咗4冠9位,延續一月之星本色,而莫雷拉與蘇保羅今季合作6次得3冠2亞1季,100%上名,嚟緊賽事繼續留意此兩人合作馬,應該冇蝕底。