黃智雯玩扑頭
男友sweet住嗌痛
蘋果日報 2014/12/12 00:00
【大坑】
黃智雯入行以嚟幾乎零緋聞，只係拍劇嗰時同拍檔梁烈唯、袁偉豪傳過吓，雖然佢講過多年嚟都有唔少嘅追求者，但其實佢同謝瑞麟珠寶集團副董事詹文天拍拖以嚟，基本上無異性可以埋到身。據知，黃智雯為咗保護呢段感情，除咗開工，其餘嘅私人時間，都謝絕同異性接觸，希望男友更有安全感。
黃智雯入行以嚟幾乎零緋聞，只係拍劇嗰時同拍檔梁烈唯、袁偉豪傳過吓，雖然佢講過多年嚟都有唔少嘅追求者，但其實佢同謝瑞麟珠寶集團副董事詹文天拍拖以嚟，基本上無異性可以埋到身。據知，黃智雯為咗保護呢段感情，除咗開工，其餘嘅私人時間，都謝絕同異性接觸，希望男友更有安全感。
【打者愛也】
黃智雯將手上嘅外賣紙袋，放在男友頭上，男友即時扮痛苦「哎吔」聲。
黃智雯將手上嘅外賣紙袋，放在男友頭上，男友即時扮痛苦「哎吔」聲。
【甜笑冧爆】
見到男友做戲
見到男友做戲
詹文天嘅座駕停喺黃智雯架車後面，佢等女友先開車先離開。
旁若無人
即將踏入32歲嘅黃智雯同詹文天拍拖兩年幾，唔止一次俾傳媒影到兩個人拍拖撐枱腳，但佢一直都只承認同對方係好朋友關係。星期二晚（9日）黃智雯又同呢位好朋友去大坑食日本菜，當晚大約9點半，黃智雯戴咗頂笠住佢半個頭嘅帽，同詹文天各自揸車去嘆日本菜，大約食咗1個鐘，然後就一齊行去附近橫街攞車。
鏡頭前比較男性化嘅黃智雯，喺男友面前可謂大不同，行去攞車期間，兩人邊行邊打情罵俏，而拎住外賣紙袋嘅黃智雯，已經不時對男友冧笑，佢仲好俏皮咁將個紙袋放喺男友個頭頂上，詹文天立即交足戲，配合咁哎吔咗一聲，加埋個扮痛苦嘅表情，𠱁到黃智雯甜笑，隔住個鏡頭都感覺到佢哋好sweet。之後兩人各自上自己架車後，詹文天等黃智雯先開車，佢就緊隨其後「護駕」離開。
採訪、攝影：朱志聰、李志明
鏡頭前比較男性化嘅黃智雯，喺男友面前可謂大不同，行去攞車期間，兩人邊行邊打情罵俏，而拎住外賣紙袋嘅黃智雯，已經不時對男友冧笑，佢仲好俏皮咁將個紙袋放喺男友個頭頂上，詹文天立即交足戲，配合咁哎吔咗一聲，加埋個扮痛苦嘅表情，𠱁到黃智雯甜笑，隔住個鏡頭都感覺到佢哋好sweet。之後兩人各自上自己架車後，詹文天等黃智雯先開車，佢就緊隨其後「護駕」離開。
採訪、攝影：朱志聰、李志明
黃智雯同詹文天撐枱腳嘅日本料理，刺身同海膽都係客人首選。