中環人最想知嘅,自然係呢班老外員工理想置業地喺邊,原來首選係浪漫嘅法國,有六成四人已經喺法國置業;香港排第10,唔夠三成人喺香港買樓。雖然排得後,但未係最差,仲有印度、中國內地及新加坡墊底,可惜報告純粹反映現實,冇解釋原因。
華華心水清,留意到置業嘅排名榜上冇咗第11位,但就有兩個第10,邊個同香港爭做倒數阿四呢?呢個唔係亞洲國家,而係同香港甚有淵源嘅英國!
好彩香港喺另一面都有得分,有超過一半老外僱員話有加入當地社團,講嘅當然係合法社會團體,排名僅次於第一嘅德國(65%),華華諗應該係因為香港夠國際化,多老外社團啩。
香港整體排名中規中矩,簡單啲講,即係老外僱員要融入香港呢個社會唔難,但要佢哋置業嘅話,就咪嘞!
李華華
mailto:
[email protected]