o靚模遭抨擊 周秀娜落淚
莊思敏:啲女仔走光都唔拘
近日盛傳蔡卓妍(阿Sa)將會加盟男友鄭中基的金牌大風做太子妃,前晚阿Sa邊笑邊否認傳聞,還強調「喺呢個池塘游得好開心」,向英皇大派定心丸。同場的莊思敏、周秀娜與其8位師妹等就談及模是非,莊思敏狠批模性感踩界,更直斥她們「走光都唔拘」。
蔡卓妍、周秀娜、莊思敏、陳柏宇、8位o靚模兵團:A.Lin、HaileyC.和「新邦民女」陳嘉寶(Anjaylia)等前晚到銅鑼灣出席「加州紅芝華士唱天光Party」活動,唱K大使阿Sa擔任啟動禮嘉賓。
由於日前有消息指阿Sa將過檔到男友鄭中基的金牌大風公司,更被形容為太子妃,前晚她邊笑邊指很激氣,她說:「完全吹水唔抹嘴,我同公司份約仲有好一段時間,大家關係好好,相處融洽,亦都冇走嘅打算。我喺呢個池塘游得好開心,冇諗過游出大海,根本就冇呢件事。」
前晚除吸引了不少歌手到場外,就連一班模特兒和o靚模也來踩場,身為o靚模前輩的莊思敏對近日的o靚模是非也有感而發,特別是網民對o靚模的攻擊性留言,她說:「佢哋太性感,畀人唔好印象,好易踩界畀人誤會同爭論,所以無可厚非會畀人話。家啲女仔好似走光都唔係問題,但其實女仔要識保護自己,所以我好懷念以前馬詩慧、琦琦嘅年代,家影一輯就已經話係model,一陣連10歲小妹妹都着泳衣行街呢。」
被冠以太子妃的蔡卓妍前晚否認過檔到男友鄭中基(小圖)所屬的金牌大風。
周秀娜前晚率領8位o靚模師妹到場,盡顯其師姐地位。
同場的周秀娜坦言曾在網上發現攻擊自己的說話,曾為此落淚,但她覺得隨着年紀漸大,終有一日會脫離o靚模行列。反而周秀娜的8位o靚模師妹HaileyC.和Anjaylia等就似乎要與o靚模兩字劃清界線,對於facebook的反o靚模聯盟,HaileyC.煞有介事說:「我覺得唔係講緊我哋,都冇特別講邊個,係平常心工作。」
此外,早前因獻唱時一舉成名的陳柏宇,前晚穿上灰黑色牛仔褲的他,下體就未見有任何異樣,但他站在柱旁影相時卻不慎露出boxer內褲。
採訪:李珮洳
攝影:彭琮然