『Hello son姐，多謝你成日live share你自己嘅睇法，真係學到好多嘢。想請教你我個老細係一個好貪小便宜又小氣又麻煩嘅小人，見到人帶飯啲餸好味又要試，我揸車返工佢成日就想黐住坐順風車，究竟我可以點樣拒絕佢呢？因為我喺公營機構做，想申請轉工轉部門都好難。最近仲將佢親戚帶入我哋部門，然後佢嘅人就乜都唔使做，所有case畀晒其他人做，對住呢d公私不分嘅人有咩辦法？』

答你問題之前首先要搞清楚，不管你做得開心不開心也好，你老細幾乞人憎幾小氣甚至幾變態也好，你是沒有打算或者可能辭職的，是嗎？

公營機構是怎麼樣的一個機構，用人唯才還是用人唯親，架構有幾臃腫過時，管理有幾無能幾廢，我這個局外人都知，你作為局內人豈會不知？你的老細可以如此肆無忌憚，完全不放你們在眼內，就是因為睇死你們沒有志氣亦沒有勇氣，辭職唔做。尤其是舊制度之下，即是所謂咬長糧長俸制的公務員，我認識不少不只是忍氣吞聲咁簡單，忍到嚴重抑鬱要睇精神科醫生，就是為了那份長糧，咬牙誓死不辭職，寧願生不如死繼續返工的。

言歸正傳，你條氣幾唔順幾睇唔順眼你的老細的所作所為也好，坦白講，如果離職不是一個選擇這份工無論如何你都要保住的，你只能硬食這一個選擇。做人最緊要面對現實及事實，既然躲不過，不如笑着過。一邊做一邊鬧，日頂住條氣去返工，你老細會在意理會你們的心情嗎？你究竟同邊個過唔去？

煩惱皆因強出頭，是非皆因多開口，有得必有失，有捨方有得。講到底最終目標無非都是想要保住份工，只要保得住，還有什麼好抱怨？至於值得不值得，我只能答每個人都要為自己做的選擇付出代價，自己條數自己計，覺得值得，就值得，對不對？

私人醒你四個字，『疊埋心水』，你啲日子會容易過好多！

張慧敏
---------------------
2020年 股樓何去何從
林本利教你部署退休生活
點擊參加【林本利2020股樓部署】FAN享會
-----------------------
屬於香港人的移民攻略
立即登入【全球樓行】
Dream House零距離