【李八方online】政府冷處理補選 黃偉綸攞正牌3.11風花雪月
補選黃偉綸李八方
黃偉綸今日上載嘅短片,圍繞佢訪問李焯芬大談饒公國學史。發展局局長網誌圖片
特區政府係咪冷處理補選?睇娥特林鄭月娥同政務司司長張建宗等唔開腔呼籲,相信大家心中有數,有啲局長亦另有閒情逸緻,同大家喺3.11緊張氣氛中,風花雪月講下國學文化歷史。
發展局局長黃偉綸(Michael)喺3.11決戰日上載網誌,談及早前相約港大饒宗頤學術館館長李焯芬教授,一齊去到活化歷史建築項目之一嘅「饒宗頤文化館」,曾任新聞處處長嘅Michael,仲變身記者採訪李焯芬,李教授期間推介饒公特意為該館畫嘅《荷花四屏》,呢幅「鎮館之寶」係由4幅長約2米嘅畫卷合併而成,可以一分為四,亦可四合為一,畫作兩旁對聯亦係饒公所寫,出自「馬王堆帛書」嘅「去無作相,住亦隨緣」。
李教授又分享饒公特別鍾意畫荷花之因,原來因為荷花有「花中君子」之稱,其枝挺直地托着花同葉,象徵一種勇於承擔嘅精神,令人深思。適逢3.11補選,八方特別感嘆,選舉點解唔可以係君子而要係抹黑戰?
立會補選新聞,《蘋果》一網睇晒
http://bit.ly/appledaily311