小朋友眼裏的世界，總是又大又美麗，但在阿姬心目中，天和地也不過是數十平方呎的板間房而已。數月前從內地來港生活的阿姬，其起居飲食，都全在那張三呎乘六呎的木板床上進行。「有乜法子，自己窮，乜都畀唔到個女，要怪就怪阿姬投錯胎，跟咗個窮鬼老竇。」阿姬的父親吳先生自嘲自諷地說。
患肺病喪勞力
五十七歲的吳先生，一直為口奔波，他分別從事過苦力、石油氣搬運工人等工作，養育內地的妻女。奈何數年前，吳先生先後患上肺積水及肺炎，在醫生的建議下，不能再幹粗重活，他遂被迫辭去工作，依靠綜援金生活。吳先生慨歎，他的綜援金本來已經不多，扣除了屋租及基本的雜費開支後，剩下來可用的，僅有一千七百元，原本捉襟見肘的生活，自阿姬來港後，更是雪上加霜。
女兒考獲佳績
「唔好講其他，淨係食都搞唔掂，有時就靠隔籬鄰舍畀啲罐頭我哋，再唔係就水蛋撈飯又一餐，求其填飽肚就算。」然而長期缺乏營養，終導致年紀小小的阿姬患上貧血。
愁容滿臉的吳先生對記者說︰「阿姬成日發燒、流鼻血，最近左邊頸重生咗兩粒核，醫生已經同佢照咗X光，未有報告，真係好擔心個女會有事。」
雖然家境清貧，且身體抱恙，難得的是阿姬從來沒有半句怨言，十分乖巧生性。記者採訪當日，她便一直靜靜地坐在床邊，不斷聽着英語錄音帶，自覺地抄寫功課，不用父親半點操心。憑着她的聰穎和努力，剛來港四個月，現正念小一的阿姬，在剛過去的測驗試中，已考獲全班第四名的佳績。