在白田街市經營菜檔的商戶不滿地表示：「我好早已經向管理公司投訴，但成個幾月都無改善。激到我要去搵報紙投訴，先至喺一星期內有番水用！」
上廁所無水洗手
白田街市商戶向本報投訴稱，在七月初開始，街市內的食水供應已時有時無，令商戶非常不便，「我每次問管理公司，佢哋都係答唔到我幾時有番食水供應。大家都知，街市冇水真係好唔方便，啲菜摘番嚟黐住啲泥、農藥咁，要清洗乾淨至賣，唔洗過唔係好衞生」。
商戶又稱：「連街市入面嘅廁所都無水供應，去完廁所無水洗手，更唔衞生，尤其𠵱家病菌橫行，廁所成個幾月無水都重整唔好，真係好難令人接受。」
多次投訴無改善
商戶沒有食水使用，為了清洗蔬菜，只好偷偷接駁消防喉引水使用。商戶稱，食水供應中斷期間，多次向管理公司、房屋署及水務署投訴，要求協助，但無改善。
商戶稱，從沒想過事件擾攘近兩個月，仍未能解決，只好轉向《蘋果》求助。商戶斥房署及管理公司塞責，未盡力在短時間內為租戶解決問題。
疑地底喉管淤塞
水務署發言人回應本報查詢時表示，該署於七月二十一日接獲白田邨的管理公司職員通知，即派員調查，發現水壓有問題，影響供水，懷疑地底喉管有淤塞所致，已促請管理公司跟進。
房屋署新聞組發言人回應本報查詢時表示，白田街市於七月初時開始出現供水轉慢，其後更時有時無。因街市內部份商戶已設私人喉管，故街市內應約有十個商戶受到影響。