日本組合AKB48成員島崎遙香，雖然成日俾人話佢工作態度唔好，hea到爆之類，但一直冇影響到佢嘅人氣，佢登上咗今日出版嘅漫畫雜誌《BigComicSpirits》封面，內頁佢大玩中國風，去到橫濱唐人街拍外景。

除咗封面張性感照之外，島崎遙香去到唐人街之後就換咗紅色唐裝衫褲，喺唐人街街頭影相時，佢仲擺咗好多個打功夫嘅甫士，但其中一個就似龜波氣功多啲。島崎又坐喺一個大紅佈景前拍短片，但係就好似個奶奶咁！

此外，AKB成員指原莉乃、橫山由依等，今日去到東京俗稱HelloKittyLand嘅SanrioPuroland，同HelloKitty、肉桂狗及PC狗一齊開哈囉喂派對，仲一齊跳唱AKB首哈囉喂歌曲《HalloweenNight》㖭。