【住同層單位夠方便】桐谷美玲被閨密爆響口 三浦翔平符合擇偶條件

蘋果日報 2017/12/21 12:06

桐谷美玲本田翼三浦翔平
    現年28歲嘅日本搶手女星桐谷美玲近日爆出秘戀29歲型男三浦翔平，剛出版雜誌《女性Seven》踢爆二人蜜運，更效法不少圈中情侶搬到同一住宅大廈方便相見，報道指桐谷美玲所住嘅高級大廈，平常有警衛同埋完善保安系統，內部設施拍得住五星級酒店，住戶持房卡搭電梯也只能到所住樓層，很難有機會跟其他鄰居碰面，而三浦翔平就刻意租下同女方同樓層嘅對面單位，可以經常到桐谷香閨會面兼撐枱腳。
    其實，多年來有唔少圈中地下情侶都揀住同大廈掩人耳目，由當年嘅菅野美穗、稻垣吾郎及新垣結衣、錦戶亮，到近年嘅坂口健太郎同埋高畑充希，都被爆搬到同一大廈唔同單位方面幽會。
    當桐谷美玲秘戀三浦翔平嘅報道出街後，女方日前為NTV台錄影嘅綜藝節目於昨晚播出，咁啱節目搵嚟桐谷大學時認識嘅四位閨密，四人大爆好姊妹秘密，直指桐谷擇偶品味首要條件係可愛型男生，加上要有一對靚嘅眼睛，此時桐谷即刻叫停好友，仲一度用雙手掩面，網民都話三浦翔平完全符合以上條件，而桐谷仲在節目上應要求演繹Morning娘2003年單曲《泡泡》中石川梨華嘅一段獨白，獲現場所有人大讚可愛。
    更多娛聞，喺晒《娛果》
    http://fb.com/appledailyent
    empty
    桐谷美玲上節目竟被閨密爆秘密。
    empty
    桐谷美玲原來鍾意可愛型男生，仲要有對靚眼。
    empty
    節目上即場演繹Morning娘舊歌《泡泡》嘅一段獨白。
    empty
    桐谷美玲忘我演繹獲讚可愛。