BNO放寬父或母前後腳落戶英倫，大開太空人方便之門。同日港府宣佈即將KO太空卡。太空人vs太空卡，唔使上淘寶，逛吓深水埗。太空卡，已經無法復陽。鴨寮街排檔老細發愁，破解措施何時現曙光呢？到其時政府實再加辣，人面識別系統插卡，2021全天候1984！當 香港 人係天水圍阿伯個孫咁，「斬死你都得呀」！太空蒼茫，大肚婆與細路哥，再無戀棧，移動的城堡，龐然朝英澳加進發。

現在才起行的家庭，比喝了頭啖湯的譚耀宗執輸不在話下。壹週刊揭發兒媳入籍澳洲開專門替人移民的公司，譚公直斥是滋擾愛國愛 港人 士。下肢最誠實，譚公安心做太空人爺爺，縱容兒媳愛着與中共鬧翻了的袋鼠國和悉尼港！在多疑的習聖上問罪前要諗吓，如何洗脫私通敵國嫌疑。建議讓譚德塞附身，狡辯說兒媳身在珀斯心在大灣區，入籍是方便蒐集政客與同胞的醜聞，積極篤灰！人肉機器，跌咗良心，明嘅。等住打第二針國產疫苗的譚公，呢輪咁勇，其實，有冇收埋BNO？阿爺唔承認係身份證明，BNO與M巾無異，譚公冇流量，用唔着，但收埋M巾唔犯法吓話？