第二場五班1600米，年青馬無傷無病，只要有點能力，降到五班總等到機會，不過卻要其他條件配合。首先，若馬狀態唔來，無用！到位後，抽檔、形勢唔就，又要再等下次。

「跑得威」季中不進反退，最主要還是沈集成對其態度，似乎立心想等減分落班，若唔係的話，點會連續安排跑四場谷草一哩？一、兩次唔出奇，明知唔得還有第三、四次，唔係想減分，為乜？

「跑得威」減夠分落五班，沈集成上次即安排復爭曾在四班跑第五的田草1400米，此駒也隨即交回應有水準追到第五；這次轉1600米，再因巫顯東停賽，順理成章改配杜美爾，抽埋一檔，集齊三樣變數，條件難得咁好，睇唔到理由會再等！

第五場四班1200米，「美麗掌聲」上仗跑啱無P，今次再遇贏牠的「馬到成功」，縱因後駒孭多12磅，仍睇唔到優勢；不過，後駒確有可能會稍被削弱。

狀態、賽績都唔輸蝕的「陽明豐豐」，唯一輸蝕的是跑法較被動，這次又抽外檔，無可避免又要留後追，但既然上次蝕慢步速、蝕跑法，都能力逼「閃耀榮光」，點會差過一對熱門。

然而今場有「美麗掌聲」、「皇家魅力」及「合作愉快」要搶，步速也許未必會太慢，對「陽明豐豐」而言，這次所面對的形勢，或許好過上次，基於賠率遠比同場熱門好分，仍覺較值博！

-----------------------------
6月14日至22日 《GAME迷鬥一餐》
玩《小小金魚跳躍王》即有機會贏取 OUTBACK $100現金券
http://bit.ly/2HW1FUH
-----------------------------
【新聞有價】6月17日起 繼續撐蘋果
請往蘋果日報網站了解更多